Küveytin Daxili İşlər Nazirliyi ölkəyə dəniz yolu ilə daxil olmağa cəhd edən bir qrup şəxsin saxlanıldığını və onların dindirilmə zamanı SEPAH ilə əlaqəli olduqlarını etiraf etdiklərini açıqlayıb.
"Operativ Məlumat Mərkəzi-OMM" xəbər verir ki, bu barədə məlumat dövlət xəbər agentliyi KUNA tərəfindən yayımlanıb.
Nazirliyin məlumatına görə, saxlanılan şəxslər Küveytə qarşı düşmənçilik hərəkətləri həyata keçirmək məqsədilə icarəyə götürülmüş balıqçı gəmisi ilə ölkəyə daxil olmağa çalışdıqlarını bildiriblər.
Rəsmi açıqlamada qeyd olunur ki, əməliyyat zamanı Küveyt silahlı qüvvələri ilə toqquşma baş verib və nəticədə bir hərbçi yaralanıb, iki şübhəli isə hadisə yerindən qaça bilib.
Bubiyan adası ölkənin şimal-şərqində, İraq sərhədinə yaxın ərazidə yerləşir və strateji baxımdan mühüm bölgə hesab olunur.
Küveyt Müdafiə Nazirliyi daha əvvəl dörd nəfərin dəniz yolu ilə ölkəyə sızma cəhdinin qarşısının alındığını bildirmişdi.
İran tərəfi isə hələlik bu iddialara rəsmi münasibət bildirməyib.
