Küveyt hava məkanını mülki aviasiya üçün yenidən bağlayıb
"Operativ Məlumat Mərkəzi-OMM" xəbər verir ki, bu barədə TASS agentliyi məlumat yayıb.
Bildirilib ki, Küveytin hava məkanında mülki aviasiya uçuşlarına qoyulan qadağa ardıcıl 55-ci günə uzadılıb. Məlumata görə, bunu Yaxın Şərq hava hərəkətinin idarə edilməsi xidmətindəki mənbə açıqlayıb.
Mənbə qeyd edib ki, Küveyt aviasiya hakimiyyəti hava məkanının bağlanmasını ən azı 12 saat uzadıb. Onun sözlərinə görə, bu müddət müvəqqətidir və qadağa daha da uzadıla bilər.
Xatırladılıb ki, ABŞ və İsrailin İrana qarşı hərbi əməliyyatı səbəbindən 28 fevral səhər saatlarından etibarən Küveyt səması mülki aviasiya üçün bağlanıb.
Qeyd olunub ki, Küveyt Yaxın Şərqdə hava məkanını mülki aviasiyaya tam və ya qismən açmayan yeganə ölkə olaraq qalır.
