Afət Ziyadqızı
Küveyt hökuməti ölkənin hava hücumundan müdafiə sistemlərinin “düşmənin zenit hədəflərini” ələ keçirdiyini bildirib.
"Operativ Məlumat Mərkəzi-OMM" xəbər verir ki, bu barədə “Əl-Cəzirə” məlumat yayıb.
Küveyt Mülki Aviasiya İdarəsi isə İran hücumları səbəbindən müvəqqəti dayandırılan uçuşların bərpa olunduğunu və Küveyt Beynəlxalq Hava Limanının yenidən normal fəaliyyət rejiminə qayıtdığını elan edib.
Bundan əvvəl Küveyt ordusu raket və pilotsuz uçuş aparatları ilə həyata keçirilən hücumlara cavab verildiyini açıqlayıb və əhalini təhlükəsizlik qaydalarına ciddi riayət etməyə çağırıb.
Eyni zamanda İslam İnqilabı Keşikçiləri Korpusu (İİKK) Küveyt, Qətər və regionun digər ölkələrində yerləşən ABŞ-ın regional hədəflərinə qarşı iki mərhələli hücum dalğası həyata keçirdiyini bəyan edib.
Hadisələrlə bağlı bölgədə təhlükəsizlik vəziyyətinin gərgin olaraq qaldığı bildirilir.
