Sentyabrın 30-dək Türkiyənin Konya şəhərinə meşə ərazilərinə girişin qadağan edildiyi bildirilib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Konya Böyükşəhər Bələdiyyəsi Fəlakət Koordinasiya Mərkəzindən verilən açıqlamada hava istiliyinin mövsüm normalarından yüksək olduğu xatırladılıb.

Meşələrə girməklə bağlı xəbərdarlıqlara məhəl qoymayanlara qarşı inzibati və məhkəmə tədbirləri görüləcəyi vurğulanan bəyanatda, "Meşələrimizi baş verə biləcək yanğınlardan qorumaq üçün iyulun 1-dən sentyabrın 30-dək Konya sərhədləri daxilində meşə sahələrinə giriş qadağandır. Gəlin ölkəmiz və millətimiz üçün əvəzsiz meşələrimizi birlikdə qoruyaq", - deyə qeyd edilib.

Türkiyənin ətraf mühit, şəhərsalma və iqlim dəyişikliyi naziri Mehmet Özhaseki istefa verib.

"Operativ Məlumat Mərkəzi-OMM" "TRT Haber"ə istinadən xəbər verir ki, bu barədə nazir özü açıqlama verib.

Qeyd edilib ki, o, sağlamlıq problemləri səbəbiylə vəzifəsindən ayrılıb.

Türkiyədə bir neçə nazirin istefaya göndəriləcəyi gözlənilir.

"Operativ Məlumat Mərkəzi-OMM" xəbər verir ki, bu barədə “TGRT Haber” öz mənbələrinə istinadən məlumat yayıb.

Bildirilib ki, bu gün və ya sabah hökumətdə kadr dəyişikliyi ola bilər.

İddiaya görə, hökumətin sabah keçiriləcək iclasında yeni nazirlər olacaq. Onlar öz sələflərini əvəz edəcəklər. Söhbətin konkret olaraq hansı nazirlərdən getdiyi açıqlanmayıb.

Qeyd edək ki, daha əvvəl səhiyyə naziri Fəxrəddin Qocanın istefası barədə məlumat yayılmışdı. Həmçinin bəzi nazirlərin vəzifədən azad olunacağı iddia edilmişdi.

Ermənistanın baş naziri Nikol Paşinyan Avropa İttifaqına (Aİ) daxil olmaq üçün referendumun keçirilməsini məqsədəuyğun hesab etmədiyini bildirib.

"Operativ Məlumat Mərkəzi-OMM" xəbər verir ki, bu barədə Ermənistan KİV-i məlumat yayıb.

Eyni zamanda o qeyd edib ki, Ermənistan xalqının Avropa ilə bağlı arzuları var.

Bu gündən etibarən, İranda prezident seçkilərinin ikinci turunda namizədlərin ilk debatı baş tutacaq.

"Operativ Məlumat Mərkəzi-OMM" xəbər verir ki, bu barədə məlumatı İran KİV-i yayıb.

Bildirilib ki, debat iki saat davam edəcək. Prezidentliyə namizədlər Məsud Pezeşkian və Səid Cəlili bu müddət ərzində mədəni-siyasi problemlər çərçivəsində suallara cavab verəcək.

Məlumata görə, teledebat İranın “Birinci kanalı” ilə yerli vaxtla saat 21.30 -dan 23.30-dək yayımlanacaq.

İyunun 28-də İranda prezident seçkisi keçirilib. Məsud Pezeşkian səslərin 43 faizini, Səid Cəlili 38 faizinin toplayaraq ikinci tura keçib. İkinci tur iyulun 5-də keçiriləcək.

Türkiyə ilə Suriya arasında terrorçuluğa qarşı birgə əməkdaşlığın güclənməsi gözlənilir.

"Operativ Məlumat Mərkəzi-OMM" xəbər verir ki, bu barədə “Yeni Şafak”da dərc olunan “PKK-ya qarşı iki addım daha” sərlövhəli məqalədə yazılıb.

Bildirilib ki, birgə əməkdaşlıq çərçivəsində yeni addımların atılması gözlənilir.

Qeyd olunub ki, Türkiyə və Suriya arasında artan əməkdşalıq ABŞ-nin regiondakı təsir imkanlarını zəiflədəcək.

Xatırladaq ki, Türkiyə Prezidenti Rəcəb Tayyib Ərdoğan daha əvvəl Ankara ilə Dəməşq arasında münasibətlərin bərpasına mane olan amilin olmadığını bəyan edib.