Kolumbiya Xarici İşlər Nazirliyindən verilən açıqlamada Mileinin prezident Petro haqqında "qəbuledilməz" ifadələr işlətdiyi və bütün Argentinalı diplomatların deportasiya ediləcəyi açıqlanıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Prezident Petronun Kolumbiya xalqının “azad iradəsi” nəticəsində demokratik şəkildə seçildiyini xatırladan bəyanatda “Argentina prezidentinin açıqlamaları təkcə millətimizin etibarına xələl gətirmədi, həm də demokratik yolla seçilmiş dövlətlərin şərəfinə xələl gətirdi",- deyə bəyanata daxil edilib.

Qeyd edək ki, Milei CNN-ə verdiyi müsahibədə Petro haqqında "Qatil terrorçu olan birindən çox şey gözləmək olmaz", - deyib.

Qəzza zolağında münaqişənin gərginləşdiyi bir il ərzində 42,1 mindən çox insan ölüb.

"Operativ Məlumat Mərkəzi-OMM" xəbər verir ki, bu barədə anklavın Səhiyyə Nazirliyi məlumat yayıb.

"Ölənlərin sayı 42 min 175 nəfərə çatıb. 98 min 336 nəfər isə xəsarət alıb", - məlumatda vurğulanıb.

Bildirilib ki, son 24 saat ərzində 49 nəfər ölüb, 219 nəfər yaralanıb.

İsrailin Qəzza zolağına hücumu davam edir.

"Operativ Məlumat Mərkəzi-OMM" xarici KİV-ə istinadən xəbər verir ki, son 24 saat ərzində endirilən zərbələr nəticəsində 63 fələstinli həlak olub.

Hücum nəticəsində daha iki BMT sülhməramlısı yaralanıb. 

Yaponiyanın milli təşkilatı “Nihon Hidankyo” 2024-cü il Nobel Sülh mükafatının laureatı olub.

"Operativ Məlumat Mərkəzi-OMM" Nobel mükafatının “nobelprize.org” rəsmi saytına istinadla xəbər verir ki, bu təşkilat mükafata nüvə silahının törətdiyi humanitar fəlakətlər haqqında məlumatların yayılmasında mühüm rol oynayan fəaliyyətinə və nüvə silahına qarşı beynəlxalq kampaniyalarda fəal iştirakına görə layiq görülüb.

Təşkilat nüvə silahlarını qadağan etmək üçün mübarizə aparır və sağ qalanlara atom bombası hücumlarının nəticələri ilə bağlı hüquqi və tibbi məsələlərdə köməklik göstərir.

Fransanın müdafiə naziri Sebastien Lekornu ölkəsinin 2025-ci ilin əvvəlində Ukraynaya "Dassault Aviation Mirage 2000-5F" döyüş təyyarələrini təhvil verəcəyini bildirib.

"Operativ Məlumat Mərkəzi-OMM" xəbər verir ki, təyyarələrin sayı hələ dəqiqləşdirilməyib.

Lekornu qeyd edib ki, ilk tədarüklər 2025-ci ilin yanvar-mart ayları arasında planlaşdırılır. Bu vaxta qədər fransız mütəxəssislərin ukraynalı pilotlara və texniki personala təlim keçməli olduğu açıqlanıb.

Ukrayna prezidenti Vladimir Zelenski ötən gün fransalı həmkarı Emmanuel Makronla görüşündən sonra Ukrayna Silahlı Qüvvələrində (AFU) bəzi hərbi texnikanın “böyük çatışmazlıq” yaşadığını və cəbhədə çətin vəziyyətin yarandığını bildirib.

İndoneziyanın yeni seçilmiş prezidenti Prabovo Subianto oktyabrın 22-24-də Kazanda keçiriləcək BRİKS sammitində iştirak etməyəcək.

"Operativ Məlumat Mərkəzi-OMM" xəbər verir ki, bunu İndoneziyanın xarici işlər naziri Retno Marsudi deyib.

“Prezident Subianto BRİKS sammitində iştirak etmək üçün xüsusi elçi göndərməyi planlaşdırır”, - deyə Marsudi vurğulayıb.

Nazir qeyd edib ki, İndoneziyanın yeni seçilmiş prezidenti oktyabrda keçiriləcək BRİKS sammitinə dəvət olunub, lakin ölkənin yeni kabineti yalnız oktyabrın 20-də and içəcək. Bu baxımdan prezidentin səfəri çətinləşib.