Ukrayna Rusiya ərazisinə hücum edir, çünki hazırda onun döyüş meydanında qələbə qazanması mümkün deyil.
"Operativ Məlumat Mərkəzi-OMM" xəbər verir ki, bu məsələ ilə bağlı “The Guardian” qəzeti Ukrayna Baş Kəşfiyyat İdarəsinin rəis müavini Vadim Skibitskinin sözlərinə istinadən yazıb.
O qeyd edib ki, Rusiyanın hərbi üstünlüyünü və Ukraynanın qırıcı və artilleriya mərmilərinin çatışmazlığını nəzərə alaraq, hazırda döyüş meydanında qələbə mümkün deyil.
Onun sözlərinə görə, Kiyevin müharibəni düşmən xəttinin arxasında aparmaqdan başqa yolu yoxdur.
Baş Kəşfiyyat İdarəsinin rəis müavini həmçinin bəyan edib ki, Kiyev NATO modelindən istifadə edir və bu model bir çox mühüm hədəfləri məhv etməklə mühüm nəticələr əldə etməyi nəzərdə tutur.