Azərbaycan Premyer Liqasında IV turun görüşləri start götürüb.

"Operativ Məlumat Mərkəzi-OMM" xəbər verir ki, ilk oyun günü bir qarşılaşma keçirilib.

"Bayıl Arena"da reallaşan matçda "Səbail" "Kəpəz"i qəbul edib.

Meydan sahiblərinin 4:0 hesabı ilə qalib gəldiyi matçda hesabı 12-ci dəqiqədə Fərid Nəbiyev açıb. 34-cü dəqiqədə Gitay Sofir fərqi iki topa çatdırıb. İkinci hissənin əvvəlində Ayman Bouali gəncəliləri növbəti dəfə meydanın mərkəzinə dəvət edib. Qarşılaşmada yekun nəticəni isə 54-cü dəqiqədə fərqlənən Suleyman Alluş müəyyənləşdirib.

Qeyd edək ki, turun digər qarşılaşmaları 24 və 25 avqustda keçiriləcək.

İspaniyalı baş məşqçi Mikel Arteta “Arsenal”la müqaviləsini uzadıb.

"Operativ Məlumat Mərkəzi-OMM" xəbər verir ki, bu barədə London klubunun mətbuat xidməti məlumat yayıb.

Tərəflər arasında yeni müqavilə 2027-ci ilə qədər qüvvədədir.

Xatırladaq ki, ispaniyalı mütəxəssis 2019-cu ildə ingilis klubuna rəhbərlik edib.

Azərbaycan millisinin baş məşqçisi Fernandu Santuş tətbiq etdiyi yeni qadağa ilə futbolçuları qayğılandırıb.

"Operativ Məlumat Mərkəzi-OMM" xəbər verr ki, AFFA ilə 4 illik müqavilə bağlamış portuqaliyalı mütəxəssis oyunçuların təlim-məşq toplanışları zamanı otel otaqlarında iki-iki qalmasına icazə verməyib.

69 yaşlı çalışdırıcının tapşırığına əsasən, bundan belə komanda üzvlərinin hər biri otaqda tək yerləşəcək.

O, futbolçuların gecə saatlarında otaqda bir yerə yığışıb söhbət etməsini də yasaqlayıb.

Santuşun fikrincə, belə hallar oyunlara köklənməyə mane olur, onların fikirlərini dağıdır.

Vaxtilə Portuqaliya, Yunanıstan və Polşa yığmalarını da çalışdırmış baş məşqçi xəbərdarlıq edib ki, bu yeniliklərə riayət etməyənləri elə həmin gün düşərgədən uzaqlaşdıracaq və bir daha dəvət göndərməyəcək.

AFFA-nın Oyun Əməliyyatları şöbəsinin rəisi Emin Cəfərov UEFA-dan təyinat alıb.

"Operativ Məlumat Mərkəzi-OMM" qurumun rəsmi saytına istinadən xəbər verir ki, o, UEFA Gənclər Liqasının Çempionlar yolunun I mərhələsində keçiriləcək “Jalgiris” (Litva) – TNS (Uels) oyununun UEFA nümayəndəsi olacaq.

Qarşılaşmanı qazaxıstanlı baş hakim Rustam Omarov idarə edəcək.

Qeyd edək ki, Vilnüs şəhərində yerləşən LFF stadionunda təşkil olunacaq görüş sentyabrın 18-də baş tutacaq.

İngiltərə Futbol Assosiasiyasının rəhbərliyi millinin baş məşqçi postuna namizədlərin siyahısını hazırlayıb.

"Operativ Məlumat Mərkəzi-OMM"-in “The Telegraph”a istinadən məlumatına görə, siyahıda dörd məşqçinin adı yer alıb.

Əsas namizəd "Mançester Siti" klubunun çalışdırıcısı Xosep Qvardioladır. Digərləri Eddi Hou, Frenk Lempard və Qrem Potterdir.

Qeyd edək ki, İngiltərə millisi Qaret Sautqeytin postunu tərk etməsindən sonra müvəqqəti olaraq Li Karsliyə tapşırılıb. Komanda onun rəhbərliyi altında Millətlər Liqasında keçirdiyi iki matçda qələbə qazanıb.

"Empoli", "Napoli", "Yuventus" və "Latsio"nun sabiq baş məşqçisi Mauritsio Sarri karyerasının sonunda "Boka Xuniors"da işləmək arzusunda olduğunu bildirib.

"Operativ Məlumat Mərkəzi-OMM" xarici KİV-ə istinadən xəbər verir ki, Sarrinin sözlərini "Gazzetta dello Sport" sitat gətirib.

“Boka Xuniors” son, çılğın xəyal olacaq. Bomboneradakı bir neçə oyun unikal təcrübə olacaq”, - deyə o bildirib.

Bununla belə, 65 yaşlı italiyalı mütəxəssis hələ də Avropa klublarından təklif gözləyir:

“Düzdür, indi gənc məşqçilər dəbdədir, amma keçən il üç avrokuboku mənim yaşımda olan məşqçilər qazanıb: Ançelotti – Çempionlar Liqası, Qasperini - Avropa Liqası və Mendilibar - Konfrans Liqası. De La Fuente həm də AVRO 2024-ün qalibi olan İspaniya komandasının baş məşqçisidir”.