Kanadada irimiqyaslı meşə yanğınları tüğyan edir.
"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.
Məsələ ilə bağlı açıqlama verən Castin Trüdo, 414 yanğından 239-nun nəzarətdən çıxdığını açıqlayıb.
Vəziyyətlə əlaqədar 20 min insan yaşayır yerini tərk etmək məcburiyyətində qalıb.
Şimali Amerikada isə on milyonlarla insana tüstü ilə bağlı potensial təhlükə barədə xəbərdarlıq edilib.
Təkcə Kvebek əyalətində 150-dən çox aktiv yanğın ocağı qeydə alınıb.
Sözügedən əyalətlə yanaşı, Britaniya Kolumbiyası, Alberta, Ontario, Yeni Şotlandiya əyalətlərində və ölkənin şimal-qərb hissəsində təxminən 3.3 milyon hektar ərazi yanıb.
ABŞ-nin Nyu-York, Vaşinqton və digər şəhərlərinin səması tüstü səbəbindən solğun narıncı rəngə boyanıb.
Əhaliyə ehtiyac olmadıqda küçəyə çıxmamaq tövsiyə olunub.
Birləşmiş Ştatlar yanğınla mübarizə məqsədilə şimal qonşusuna 600-dən çox yanğınsöndürən göndərib.
Qeyd edək ki, meşə yanğınları ilin bu dövrü üçün Kanadada adi hal sayılır.
Lakin, ekspertlər bu ilki yanğınların Kanadada indiyədək qeydə alınan ən dəhşətli meşə yanğınları ola biləcəyi ilə bağlı xəbərdarlıq edib.
