Afət Ziyadqızı
ABŞ, İran və vasitəçilər arasında Bürgenstokda ABŞ-İran anlaşma memorandumunun həyata keçirilməsi ilə bağlı intensiv danışıqlar gecə boyu davam edib. TASS agentliyinin əldə etdiyi məlumata görə, bu barədə İsveçrə Xarici İşlər Nazirliyinin (XİN) rəsmi bəyanatında bildirilir.
"Operativ Məlumat Mərkəzi-OMM" xəbər verir ki, İsveçrə tərəfi tərəflər arasında yaranan diplomatik aktivliyi yüksək qiymətləndirib.
Məlumata görə, nazirliyin yaydığı rəsmi bəyanatda vurğulanıb: "İsveçrəli koordinator vasitəçilər İran və ABŞ arasında 21-22 iyun gecəsi Bürgenstokda davam edən intensiv diplomatik danışıqlar zamanı əldə edilən konstruktiv irəliləyişi alqışlayır".
Bildirilib ki, rəsmi Bern regional və qlobal təhlükəsizlik baxımından böyük əhəmiyyət kəsb edən bu prosesi özünün çoxəsrlik və sadiq "xoşməramlılıq və bitərəflik ənənəsinə uyğun olaraq" gələcəkdə də hər cür dəstəkləməyə tam hazır olduğunu bir daha təsdiqləyib.
