Bu gün İstanbul–Tbilisi marşrutu üzrə hərəkət edən “Turkish Airlines” aviaşirkətinə məxsus Boeing 737 tipli hava gəmisinin kapitanı Heydər Əliyev Beynəlxalq Aeroportuna məcburi eniş üçün sorğu göndərib.
Bu barədə "Operativ Məlumat Mərkəzi-OMM"-ə Heydər Əliyev Beynəlxalq Aeroportunun mətbuat xidmətindən bildirilib.
Buna səbəb Gürcüstanın təyinat hava limanında havanın əlverişsiz olmasıdır.
Təyyarə yerli vaxtla saat 21:06-da Bakı hava limanına uğurla eniş edib.
Sərnişinlər uçuşla bağlı daha ətraflı məlumatı “Turkish Airlines” aviaşirkətinin nümayəndələrindən əldə edə bilərlər.
