İsrailin Homs əyalətində yerləşən Əl-Kuseyr şəhərinə endirdiyi zərbələr nəticəsində azı iki nəfər həlak olub.
"Operativ Məlumat Mərkəzi-OMM" xəbər verir ki, bu barədə "Sham FM" radiostansiyası məlumat yayıb.
Məlumata görə, ən azı daha doqquz nəfər yaralanıb.
Bundan əvvəl Suriyanın SANA dövlət agentliyi İsrailin yaşayış məntəqələrini, eləcə də Əl-Quseyrdəki sənaye zonasını atəşə tutması barədə məlumat vermişdi.
Öz növbəsində, İsrail Müdafiə Qüvvələrinin mətbuat xidməti bəyan edib ki, hücumların hədəfi Hizbullahın silahlı qanadının tərkibində fəaliyyət göstərən Radvan bölmələrinin istifadə etdiyi silah anbarları və komanda məntəqələri olub.
