Afət Ziyadqızı
İsrailin xarici işlər naziri Gideon Saar bildirib ki, İsrail hazırda Fələstin dövlətinin digər ölkələr tərəfindən tanınmasını “terrorun mükafatı” kimi görür. O, həmçinin Fələstin məsələsində “xəyali dövlət”dən söhbət getdiyi fikrini ifadə edib.
"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.
Hamımızın bildiyimiz reallıqda hər hansı bir ölkənin xəyali Fələstin dövlətini “birtərəfli tanınması” terrorizm və HƏMAS-a dəstək üçün mükafat olacaq. Bu cür hərəkətlər sülh, təhlükəsizlik və sabitliyi regionumuza yaxınlaşdırmayacaq, əksinə, onları daha da uzaqlaşdıracaq", - Saar deyib.
Fransa prezidenti Emmanuel Makron aprelin 9-da bildirib ki, Paris iyunda Fələstin dövlətçiliyini tanıya bilər. Fransa lideri qeyd edib ki, bu, Səudiyyə Ərəbistanı nümayəndələrinin də iştirak edəcəyi birgə konfransda baş verə bilər.
