İsmayıllı rayonunda narkotik vasitələrin satışı ilə məşğul olan şəxs polis əməkdaşları tərəfindən saxlanılıb.
DİN-in Mətbuat Xidmətinin Şəki regional qrupundan "Operativ Məlumat Mərkəzi-OMM"-ə verilən məlumata görə, əməliyyat nəticəsində 34 yaşlı rayon sakini Söhbət İsmayılov tutulub. Onun üzərindən 2 kiloqrama yaxın marixuana və çətənə toxumları aşkar edilərək götürülüb.
Araşdırmalar zamanı müəyyən olunub ki, S.İsmayılov narkotik vasitələri satış məqsədilə meşə massivində gizlədibmiş.
Faktla bağlı cinayət işi başlanılıb. Məhkəmənin qərarı ilə S.İsmayılov barəsində həbs qətimkan tədbiri seçilib.
