İslandiyada son iki ildə doqquzuncu vulkan püskürməsi baş verib

İslandiyanın cənub-qərbindəki Reykjanes yarımadasındakı Sundnukaqiqar kraterlərində yeni vulkan püskürməsi baş verib.

"Operativ Məlumat Mərkəzi-OMM" xəbər verir ki, bu barədə İslandiya Meteorologiya İnstitutu məlumat yayıb.

Məlumata görə, püskürmənin böyük miqyasda olmadığı və lavanın təxminən 2 kilometr uzunluğunda olan yarıqdan püskürdüyü bildirilib.

Püskürmənin hava nəqliyyatına təsir etmədiyi bildirilir, lakin səlahiyyətlilər insanları bölgədəki hava ilə bağlı ehtiyatlı olmağa çağırıblar.