İraqın Birgə Əməliyyatlar Komandanlığı hökumətin İranla ortaq sərhədləri üzərində suverenliyini elan edib.
"Operativ Məlumat Mərkəzi-OMM" xəbər verir ki, bu barədə İRNA “Əl-Ərəbi”yə istinadən məlumat yayıb.
General-mayor Tahsin Əl-Xəfaci deyib ki, təhlükəsizlik qüvvələri İranla bütün sərhəd məntəqələrində qanunun və İraqın suverenliyinin tətbiqi prosesinə başlayıb.
"Bu hərəkətin məqsədi İraq konstitusiyasında vurğulandığı kimi, İraq ərazisinin qonşu ölkələrə hücum etmək üçün istifadə edilməsinin qarşısını almaqdır".
İraqlı general İraq qüvvələrinin sərhəd bölgələrinə nəzarət etmək üçün hərbi potensiala malik olduğunu bildirib və qeyd edib ki, Bağdad və İraq Kürdüstanı bu mövzuda yüksək səviyyədə koordinasiya edir.
“İraq İranla təhlükəsizlik sazişini yerinə yetirməyə tam sadiqdir, çünki bu, İraqın milli təhlükəsizlik maraqlarına cavab verir", - deyə Tahsin Əl-Xəfaci bildirib.
