İraq hava məkanını 3 gün daha bağlı saxlayacaq

ABŞ və İsrailin İrana hücumlarının davam etməsi səbəbindən İraq hava məkanını uçuşlara bağlayıb və bu müddəti 3 gün daha uzatma qərarı alıb.

"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.

İraq Mülki Aviasiya İdarəsinin yazılı açıqlamasında Yaxın Şərqdəki gərginliyin davam etməsi səbəbindən hava məkanının 72 saat daha uçuşlara bağlanması qərarı verildiyi bildirilib.

Qeyd olunub ki, bu qərar yerli vaxtla 3 aprel cümə günü saat 12:00-dək qüvvədə olacaq.

İraq fevralın 28-də ABŞ və İsrailin İrana hücumlarını pisləyərək hava sahəsini 24 saatlıq uçuşlara bağladığını açıqlamışdı.

Bu müddət daha sonra bir neçə dəfə uzadılıb.