OMM Redaksiyası
İran İslam Respublikasının xarici işlər naziri Abbas Əraqçi rəsmi görüşlər keçirmək məqsədilə Türkiyəyə səfər edib.
"Operativ Məlumat Mərkəzi-OMM"-in İran Xarici İşlər Nazirliyinə istinadən yaydığı məlumata görə, nazirin olduğu təyyarə İstanbul hava limanına enib.
Səfər çərçivəsində Abbas Əraqçinin Türkiyənin xarici işlər naziri Hakan Fidan və digər rəsmi şəxslərlə danışıqlar aparacağı bildirilir. Görüşlər zamanı Tehran və Ankara arasında ikitərəfli münasibətlərin mövcud vəziyyəti, eləcə də regionda müşahidə olunan gərginliklər ətrafında fikir mübadiləsinin aparılması nəzərdə tutulur.
Məlumata əsasən, Türkiyə Prezidenti Rəcəb Tayyib Ərdoğanın da İran XİN rəhbərini qəbul edəcəyi gözlənilir.
