İranın Qəşm adasında yerləşən həyati əhəmiyyətli duzsuzlaşdırma zavodlarından biri endirilən hava zərbəsi nəticəsində sıradan çıxarılıb.
“Operativ Məlumat Mərkəzi-OMM” informasiya agentliyinin Yaxın Şərq KİV-lərinə istinadən verdiyi xəbərə görə, insident barədə Səhiyyə Nazirliyinin nümayəndəsi rəsmi məlumat yayıb.
Zərbənin endirildiyi dəqiq tarix hələlik açıqlanmayıb.
"Qəşm adasında əhalinin içməli su təminatı birbaşa duzsuzlaşdırma qurğuları vasitəsilə həyata keçirilir. Onlardan biri hücuma məruz qalıb və tamamilə sıradan çıxarılıb. Dağıntıların miqyasına görə zavodun qısamüddətli perspektivdə təmiri mümkün deyil", - deyə nazirlik rəsmisi bildirib.
