İranın cənub-qərbində yerləşən Xuzistan əyalətinin Şuştər şəhərində yerləşən “Pars Petro Şüştər” neft emalı zavodunda baş verən yanğın nəticəsində azı 6 nəfər xəsarət alıb.
"Operativ Məlumat Mərkəzi-OMM" xəbər verir ki, bu barədə "Tasnim" agentliyi məlumat yayıb.
Məlumata görə, yanğına səbəb yanacaq doldurma zamanı təhlükəsizlik tədbirlərinə əməl edilməməsi olub.
Hadisə yerinə yanğınsöndürmə briqadaları və təcili yardım maşınları gəlib.
Yerli hakimiyyət orqanlarının məlumatına görə, yanğın lokallaşdırılıb.
