İranın Kərəc şəhərinin cümə namazının imamı Məhəmməd Mehdi Hüseyni Həmədani ölkənin nüvə texnologiyası və uranın zənginləşdirilməsi məsələsinə dair sərt açıqlama verib.
“Operativ Məlumat Mərkəzi-OMM”xəbər verir ki, o, çıxışında nüvə texnologiyasının İranın milli kimliyinin bir hissəsi olduğunu bildirib.
Hüseyni Həmədani qeyd edib ki, nüvə texnologiyası və uranın zənginləşdirilməsi “ərazi bütövlüyü kimi milli kimliyin ayrılmaz hissəsidir” və bu məsələlər heç bir halda danışıqlar mövzusu ola bilməz.
O, həmçinin İsrailin hər hansı hərəkətinin ABŞ üçün də nəticələr doğura biləcəyini iddia edib.
Cümə imamı əlavə edib ki, region ölkələri İranın milli maraqları və xalqının müdafiəsi məsələsində “səhvə yol verməməli” və Tehran bu məsələdə heç bir kompromisə getməyəcək.
