İran Azərbaycanla Ermənistan arasında sərhədlərin delimitasiyası komissiyasının iclasında əldə olunmuş razılaşmalara hörmətlə yanaşır.

"Operativ Məlumat Mərkəzi-OMM" İSNA-ya istinadən xəbər verir ki, bunu İran Xarici İşlər Nazirliyinin sözçüsü Naser Kənani aprelin 23-də jurnalistlərin Ermənistanın Azərbaycana aid kəndlərdən 4-nün geri qaytarılması ilə bağlı sualına cavabında bildirib.

Onun sözlərinə görə, Azərbaycan və Ermənistanın bir-birinin suverenliyi, ərazi bütövlüyünə qarşılıqlı hörmət çərçivəsində sülh yolu ilə sərhəd məsələlərinin həlli istiqamətində səylərini davam etdirməsi, davamlı sülh və sabitliyin Cənubi Qafqazda bərqərar olması üçün zəruridir.

Vladimir Putin rəsmi olaraq altı illik müddətə Rusiya Prezidenti kimi vəzifəsinin icrasına başlayıb.

"Operativ Məlumat Mərkəzi-OMM" TASS-a istinadən xəbər verir ki, bu barədə Konstitusiya Məhkəməsinin sədri Valeri Zorkin bildirib.

***

Moskvada 5-ci dəfə dövlət başçısı kimi fəaliyyətə başlayacaq Rusiyanın hazırkı prezidenti Vladimir Putinin andiçmə mərasimi başlayıb.

"Operativ Məlumat Mərkəzi-OMM" xəbər verir ki, bu barədə Rusiya KİV-i məlumat yayıb.

O, and içəcək və rəsmi olaraq dövlət başçısı kimi fəaliyyətə başlayacaq. Bundan sonra yeni nazirlər kabineti formalaşdırılacaq.

V.Putin ölkəyə növbəti 6 il, yəni 2030-cu ilə qədər rəhbərlik edəcək.

Qeyd edək ki, Rusiyada prezident seçkiləri martın 15-dən 17-dək keçirilib.

Erməni istehkamçılar Ermənistanın Azərbaycanla həmsərhəd Tavuş regionunun Kirants (Güney) kəndi yaxınlığında minaları partlayış yolu ilə zərərsizləşdirəcəklər.

"Operativ Məlumat Mərkəzi-OMM" Ermənistan KİV-ə istinadən xəbər verir ki, bu barədə Ermənistan Müdafiə Nazirliyinin mətbuat xidməti məlumat yayıb.

Minatəmizləmə işləri sözügedən kənddən 1800 metr şimalda aparılacaq.

“Ətraf ərazilərdə yaşayan sakinlərdən xahiş olunur ki, bu barədə məlumatı nəzərə alsınlar və təşvişə düşməsinlər”, - məlumatda qeyd olunub.

Ukrayna lideri Vladimir Zelenski Qərb ölkələrini Ukrayna Silahlı Qüvvələrinə (AFU) vəd edilmiş silahları tez bir zamanda verməyə çağırıb.

"Operativ Məlumat Mərkəzi-OMM" xəbər verir ki, bu barədə Almaniyanın “Tagesschau” qəzeti yazıb.

"Siyasi qərarların ardınca əsgərlərimizin silah alması lazımdır. Prosesi sürətləndirmək üçün gecə-gündüz işləmək gərəkdir".

Ukraynadan Misirə yollanan “Alexis” yük gəmisi Bosfor boğazında saya oturub.

"Operativ Məlumat Mərkəzi-OMM" TASS-a istinadən xəbər verir ki, bu barədə Türkiyə Sahil Mühafizəsi Departamenti məlumat yayıb.

Bildirilib ki, nəticədə hər iki istiqamətdə gəmilərin hərəkəti dayandırılıb: “229 metrlik gəmi Haydarpaşa yaxınlığında mühərrik nasazlığı səbəbindən saya oturub”.

Qazaxıstan hakimiyyəti 31 avqust 2024-cü ilə qədər şəkər ixracını qadağan edib.

"Operativ Məlumat Mərkəzi-OMM" xəbər verir ki, bu barədə respublika hökumətinin saytında məlumat verilib.

Bildirilib ki, bu qərar respublika vətəndaşlarının şəkərlə fasiləsiz təminatının təmin edilməsi məqsədi ilə xarici ticarət siyasəti və beynəlxalq iqtisadi təşkilatlarda iştirak üzrə nazirliklərarası komissiyanın (BMK) iclasında qəbul edilib.

"Bu tədbir beynəlxalq tranzitə təsir etməyəcək", -deyə hökumət bildirib. Hazırda anbarlardakı şəkər ehtiyatlarının balansı və Qazaxıstana idxalın miqdarı təxminən 256 min ton təşkil edir.