"İran ABŞ-ni hərbi əməliyyatlardan çəkinməyə çağırıb".
“Operativ Məlumat Mərkəzi-OMM” xəbər verir ki, bu barədə RIA Novosti agentliyi məlumat yayıb.
Məlumata görə, İran və ABŞ arasında Geneva şəhərində keçirilən dolayı danışıqlardan sonra İranın hərbi rəsmiləri Vaşinqtonu hərbi addımlardan çəkinməyə çağırıblar.
İranın hərbi sözçüsüƏbülfəzl Şəkərçi “tarixi” cavabla bağlı xəbərdarlıq edərək bildirib ki, “istənilən axmaq hərəkət bütün regionu bürüyəcək bir alovu alovlandıracaq”.
İran dövlət televiziyasının yaydığı məlumata görə, Şəkərçi bu açıqlamanı ABŞ Prezidenti Donald Trampın son bəyanatlarına cavab olaraq səsləndirib. Danışıqlardan əvvəl Tramp Tehranı razılığa gəlməyə çağırıb və əks halda bunun pis nəticələnəcəyi ilə hədələyib.
Yüksək vəzifəli iranlı hərbi rəsmi əlavə edib ki, İran ordusu ABŞ qoşunlarının bütün hərəkətlərini izləyir və hər hansı münaqişə baş verərsə, “ABŞ-nin bütün mənbələri və regiondakı maraqları İran qüvvələrinin əhatə dairəsində olacaq”.
