İran İslam Şurası Məclisinin sədri Məhəmməd Baqir Qalibaf strateji əhəmiyyətə malik Hörmüz boğazı ilə bağlı açıqlama verib.
“Operativ Məlumat Mərkəzi-OMM” xəbər verir ki, Qalibaf bu barədə çıxışı zamanı İran və ABŞ arasında imzalandığı iddia edilən anlaşma memorandumuna istinad edib.
Bildirilib ki, onun sözlərinə görə, boğazdan keçidlərin yalnız 60 gün müddətində ödənişsiz həyata keçirilməsi nəzərdə tutulur.
Məlumata görə, Qalibaf İranın bu məsələdə mövqeyinin dəyişməz olduğunu vurğulayıb və ölkəsinin Hörmüz boğazı üzərindəki suveren hüquqlarından güzəştə getmək niyyətində olmadığını bildirib.
Qeyd olunub ki, spiker strateji su yolunda İranın milli maraqlarının qorunmasının prioritet olaraq qaldığını və bu istiqamətdə heç bir geri addım atılmayacağını deyib.
