İran parlamentində Hörmüz boğazı və Fars körfəzinin təhlükəsizliyi ilə bağlı yeni qanun layihəsi təqdim olunub.
“Operativ Məlumat Mərkəzi-OMM” xəbər verir ki, “Hörmüz boğazı və Fars körfəzinin təhlükəsizliyi və davamlı inkişafı üçün strateji tədbirlər” adlı sənəd rəsmi şəkildə parlamentə təqdim edilib.
Bildirilib ki, bu addım ABŞ-yə məxsus pilotsuz uçuş aparatının (PUA) vurulması barədə məlumatların yayıldığı vaxtda baş verib.
İran parlamentinin üzvü İbrahim Əzizinin sözlərinə görə, Tehran öz “qırmızı xətlərini”, xüsusilə də Hörmüz boğazının idarə olunması məsələsini qətiyyətlə qorumaqda davam edir.
Deputat qeyd edib ki, təqdim olunan qanun layihəsi yalnız ilk mərhələdir və gələcəkdə daha ciddi addımların atılması mümkündür.
Məlumata əsasən, İranın bu təşəbbüsü bölgədə artan gərginlik fonunda strateji maraqlarını qorumaq məqsədi daşıyır.
