Afət Ziyadqızı
İranın hava hücumundan müdafiə qüvvələrinin ABŞ-yə məxsus pilotsuz uçuş aparatını (PUA) vurduğu iddia edilir.
“Operativ Məlumat Mərkəzi-OMM” xəbər verir ki, bu barədə İranın yerli media orqanları məlumat yayıb.
Bildirilib ki, hadisə bazar ertəsi Bəndər Abbas şəhəri üzərində baş verib. Məlumata görə, ABŞ-yə məxsus olduğu iddia edilən pilotsuz uçuş aparatı İranın hava hücumundan müdafiə sistemləri tərəfindən aşkar edilərək zərərsizləşdirilib.
MNA agentliyinin məlumatına əsasən, PUA ölkənin vahid hava hücumundan müdafiə sisteminin nəzarətində olan bölmələr tərəfindən vurulub.
Hadisə ilə bağlı ABŞ administrasiyası və ya Müdafiə Nazirliyi (Pentaqon) hələlik rəsmi açıqlama verməyib.
