İran parlamentinin sədr müavini Nikzad ABŞ-nin Tehrana qarşı tətbiq etdiyi iqtisadi təzyiq siyasətini sərt şəkildə tənqid edib.
“Operativ Məlumat Mərkəzi – OMM” xəbər verir ki, Nikzad parlamentin açıq iclasında çıxışı zamanı İranın milli təhlükəsizliyini və milli maraqlarını qətiyyətlə qoruyacağını bildirib.
“ISNA”ya açıqlamasında ABŞ-nin İranı iqtisadi blokadaya almaq planlarını “xəyalpərəstlik” adlandıran parlament rəsmisi İran xalqının bu təzyiqlərə boyun əyməyəcəyini vurğulayıb.
Nikzad Vaşinqtona xəbərdarlıq edərək, İranın iqtisadi maraqlarına zərər vurmağa çalışan tərəflərin bunun qarşılığını alacağını bildirib.
O qeyd edib ki, Tehran düşmənlərinə qarşı müvafiq tədbirlər görəcək və onların iqtisadi maraqlarını təhlükə altına atacaq. Nikzad həmçinin İranın iqtisadi vəziyyətinin daha da ağırlaşdırılması halında düşmən ölkələrin və onlarla əməkdaşlıq edən tərəflərin də bundan təsirlənəcəyini söyləyib.
Parlament rəsmisinin açıqlaması ABŞ və İran arasında davam edən gərginlik fonunda Tehranın mövqeyində dəyişiklik olmadığını göstərir.
