“İnter” “Borussiya”nın (Münhenqladbax) hücumçusu Markus Türamla danışıqlar aparır.
"Operativ Məlumat Mərkəzi - OMM" "calciomercato.com"-a istinadən xəbər verir ki, A Seriyası təmsilçisi hələ yanvar ayında 25 yaşlı fransalını transfer etmək istəyən klublar arasında yer alırdı. Lakin keçid baş tutmamışdı.
Türamın Bundesliqa klubu ilə müqaviləsi yayda başa çatacaq. O, klubla müqaviləni yeniləmək niyyətində deyil. Bu səbəbdən futbolçu digər klublarla açıq şəkildə danışıqlar apara bilir.
“İnter” hazırda fransalıya illik beş milyon avro maaşla beş illik müqavilə təklif edib.
Markus Türam cari mövsüm “Borussiya”nın heyətində 20 oyuna çıxıb, 13 qol vurub və 4 məhsuldar ötürmə ilə yadda qalıb.