"Vest Hem"in texniki direktoru Tim Şteydten müdafiəçi Jan-Kler Todibo ilə bağlı "Nitsa" klubu ilə danışıqlar aparmaq üçün Fransaya gedib.
"Operativ Məlumat Mərkəzi-OMM" xarici KİV-ə istinadən xəbər verir ki, "Vest Hem" Fransa millisinin oyunçusunun 40 milyon avroya keçidi barədə razılığa gəlib.
Oyunçunun cümə günü tibbi müayinədən keçəcəyi gözlənilir.
2023/24 mövsümündə Todibo "Nitsa"da 33 oyun keçirib və 3 asist edib.
"Transfermarkt" portalı oyunçunun dəyərini 35 milyon avro olaraq qiymətləndirir.
