İndoneziya BRİKS-ə tamhüquqlu üzvü kimi qoşulub.
"Operativ Məlumat Mərkəzi-OMM" xəbər verir ki, bu barədə assosiasiyaya sədrlik edən Braziliya Xarici İşlər Nazirliyi məlumat yayıb.
"Braziliya hökuməti bu gün, yanvarın 6-da İndoneziya Respublikasının BRİKS-ə tamhüquqlu üzv kimi rəsmi daxil olduğunu elan edir", - departamentin mətbuat xidmətindən bildirilib.
Bəyanatda həmçinin qeyd olunub ki, İndoneziyanın namizədliyi 2023-cü ilin avqustunda Cənubi Afrikada keçirilən Yohannesburq sammitində təsdiq edilib.
