İkinci ən yaşlı futbolçu – Di Mariya

“Yuventus” UEFA Avropa Liqasının 1/16 finalının cavab görüşündə “Nant”ı məğlub edib (3:0).

"Operativ Məlumat Mərkəzi-OMM" xarici KİV-ə istinadən xəbər verir ki, bu matç “qoca sinyora”nın oyunçusu Anxel di Mariya üçün əlamətdar olub.

Argentinalı futbolçu turnirdə “Milan”ın formasını geyinən Zlatan İbrahimoviçdən sonra het-trikə imza atan ən yaşlı futbolçu kimi tarixə düşüb (35 yaş 9 günlük).

İbrahimoviç eyni uğura 35 yaş 136 günlüyündə imza atıb.