Afət Ziyadqızı
Yəmənin üsyançı husi hərəkatı Ənsar Allah (husilər) Qırmızı dənizdə ABŞ gəmisinə hücum etdiyini açıqlayıb.
"Operativ Məlumat Mərkəzi-OMM" xəbər verir ki, bu barədə “Al Masirah” telekanalı məlumat yayıb.
Hərəkatın hərbi sözçüsü Yəhya Sariyanın sözlərinə görə, husilər “Star İris” ticarət gəmisinə hücum ediblər. O, hücum edənlərin gəminin ABŞ-a məxsus olduğunu tanıdıqlarını açıqlayıb.
Saria telekanala bildirib ki, yaraqlılar gəmi əleyhinə raketlərdən istifadə edib və dəqiq zərbə vurublar.
Ötən gün ABŞ ordusu Yəmənə yeni zərbələr endirib, husi üsyançılarının iki yerüstü pilotsuz təyyarəsini və üç qanadlı raketini məhv etməyə cəhd edib.
