Əli Laricaninin ölümündən sonra İranın Ali Milli Təhlükəsizlik Şurasına yeni rəhbər təyin olunub. Bu mühüm posta İranın sabiq müdafiə naziri Hüseyn Dehqan gətirilib.
“Operativ Məlumat Mərkəzi-OMM” xəbər verir ki, təyinatla bağlı məlumatı "Didban Iran" portalı yayıb.
Məlumat üçün bildirək ki, Hüseyn Dehqan 2013-2017-ci illərdə İranın müdafiə naziri vəzifəsində çalışıb. O, eyni zamanda mərhum ali lider Əli Xameneinin müdafiə sənayesi üzrə müşaviri kimi də fəaliyyət göstərib.
Xatırladaq ki, martın 18-də İsrailin müdafiə naziri İsrael Kats, Əli Laricaninin məhz İsrail Hərbi Hava Qüvvələrinin endirdiyi zərbə nəticəsində öldürüldüyünü açıqlamışdı. Qısa müddət sonra İran Prezidenti Məsud Pezeşkian da Laricaninin ölüm faktını rəsmən təsdiqləyib.
