OMM Redaksiyası
Strateji əhəmiyyətə malik Hörmüz boğazından keçən gəmiçilik həcmi kəskin şəkildə azalıb.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, fevralın 28-dən İsrail və ABŞ-nin İrana qarşı hərbi əməliyyatlara başlamasından sonra boğazdan keçən gəmilərin sayı 70% azalıb.
Son üç gün ərzində bəzi gəmilər marşrutlarını dəyişib, geri dönüb, sürəti azaldıb və ya son anda istiqamətini dəyişiblər.
Qeyd edək ki, İran Hörmüz boğazından gəmilərin keçməsinin yolverilməz olduğu barədə xəbərdarlıq etmişdi. Bu mühüm su yolundan dünya üzrə neft və qaz tədarükünün təxminən 20%-i keçir.
Mövcud vəziyyət artıq dünya bazarında neft və qaz qiymətlərinin artmasına səbəb olub.
