“Hizbullah” qüvvələri İsrailin şimalındakı Meron Hərbi Hava Qüvvələri bazasına hücum edib.
"Operativ Məlumat Mərkəzi-OMM" İsrail ordusuna istinadən xəbər verir ki, sözügedən bazada yerləşən hava əməliyyatlarına nəzarət və radioelektron döyüş mərkəzinə 40-a yaxın raket zərbəsi endirilib.
Hücumla əlaqədar ölkənin bəzi hissələrində hava həyəcanı siqnalı işə düşüb.
Məsələyə münasibət bildirən qruplaşma üzvləri bu əməliyyatın Qəzza zolağında Fələstinə dəstək və Livanın şərqindəki Baalbek şəhərinə təcavüzkar hücuma cavab olaraq həyata keçirildiyini vurğulayıb.
Ötən gün İsrail ordusu adıçəkilən şəhərə onlarla raket zərbəsi endirib.
Bu Qəzzada müharibə başladıqdan sonra Baalbek şəhərinə edilən ilk hücum olub.
