Hindistan Rusiya ilə əlaqələrin əhəmiyyətini yüksək qiymətləndirir

Hindistanın xarici işlər naziri Subrahmanyam Caishakar ölkəsinin Rusiya ilə münasibətlərinə dəyər verdiyini bildirib.

"Operativ Məlumat Mərkəzi-OMM" xəbər verir ki, bu barədə hind agentliyi məlumat yayıb.

Jurnalistlərə danışan nazir iki ölkə arasındakı münasibətləri “əhəmiyyətli və sabit” adlandırıb və əlavə edib ki, Moskva ilə əlaqələr Yeni Dehli üçün faydalı olduğunu sübut edib. O, həmçinin Hindistanın digər ölkələrlə əməkdaşlığa düşünülmüş yanaşmasının vacibliyini qeyd edib.

“Mən bunu Moskvada, hələ prezident Putinlə görüşüm baş tutmamışdan əvvəl açıq şəkildə dedim ki, biz bu əlaqələri yüksək qiymətləndiririk. Bu, Hindistana yaxşı xidmət edən bir münasibətdir”,- deyə Subrahmanyam vurğulayıb.