ABŞ dövlət katibi Marko Rubio Kuala-Lumpurda ASEAN-ın iclasları çərçivəsində bu gün Çinin xarici işlər naziri Vanq Yi ilə görüşünü konstruktiv və müsbət adlandırıb.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
"Çox konstruktiv görüş keçirdik. Təbii ki, biz iki böyük və güclü ölkəyik, hər zaman razılaşmayacağımız məsələlər olacaq. Ümumiyyətlə, əməkdaşlıq üçün potensial sahələr var. Düşünürəm ki, bu, çox konstruktiv və müsbət görüş oldu. Bizim görəcəyimiz çox şey var", - o bildirib.
Dövlət katibi əlavə edib ki, ABŞ və Çin arasında ikitərəfli münasibətlərdə hələ də həll edilməli olan problemlər var. Onun fikrincə, hər iki tərəf daimi təmasda olmalı və ziddiyyətlərin həlli yollarını axtarmalıdır.
