Türkiyənin Balıkesir vilayətinin Sındırgı rayonunda baş verən zəlzələdə uçan 4 mərtəbəli binanın sahibi həbs edilib, podratçısı isə evdən çıxmamaq şərti ilə sərbəst buraxılıb.
"Operativ Məlumat Mərkəzi-OMM" xəbər verir ki, bununla bağlı "TRT Haber" məlumat yayıb.
Bildirilib ki, 4 mərtəbəli binanın uçması ilə bağlı saxlanılan binanın podratçısı S.S. və sahibi İ.E.K-nın polis idarəsindəki istintaqı tamamlanıb.
Şübhəlilər tibbi müayinədən sonra Sındırgı Ədliyyəsinə göndəriliblər.
Bina sahibi İ.E.K. məhkəmənin qərarı ilə həbs edilib, podratçı S.S. isə ev dustaqlığı ilə sərbəst buraxılıb.
