PSJ-nin rəhbərliyi cinah müdafiəçisi Aşraf Hakimini komandada saxlamaq istəyir.
"Operativ Məlumat Mərkəzi-OMM" jurnalist Fabrizio Romanoya istinadən xəbər verir ki, klub mərakeşli futbolçunun agenti ilə müqavilənin uzadılması ilə bağlı danışıqlara başlayıb.
Parislilər futbolçuya yeni uzunmüddətli müqavilə təklif edirlər.
Aşraf 2021-ci ilin yayından Fransa komandasının rənglərini qoruyur. Tərəflər arasında mövcud müqavilə 2026-cı ildə başa çatır.
Bu mövsüm Hakimi Paris komandasının heyətində bütün turnirlərdə 11 matçda iştirak edib. Müdafiəçi üç qol vurub və üç məhsuldar ötürmə edib.
