ABŞ və İran arasında əlaqələr Türkiyə ilə koordinasiya olunur və Pakistan vasitəsilə mesajlar mübadiləsi aparılır.
"Operativ Məlumat Mərkəzi-OMM"-in məlumatına görə, bu barədə Türkiyənin xarici işlər naziri Hakan Fidan "A Haber" telekanalının efirində bildirib.
"Əlaqələr başlayıb, Pakistan vasitəsilə mesajlar göndərilir. Amerikalılar bunu bizimlə koordinasiya edirlər və müzakirələr aparılır", - o qeyd edib.
H.Fidanın sözlərinə görə, Türkiyə hər iki tərəflə əlaqə saxlayır və onların mövqelərini və gözləntilərini daha yaxşı başa düşməyə çalışır.
