Türkiyə xarici işlər naziri Hakan Fidan ilə Pakistan Baş nazirinin müavini, xarici işlər naziri Məhəmməd İshaq Dar arasında mühüm telefon danışığı olub.
“Operativ Məlumat Mərkəzi-OMM” xəbər verir ki, bu barədə Pakistan Xarici İşlər Nazirliyinin (XİN) "X" platformasındakı rəsmi hesabında məlumat yayılıb.
Qeyd olunub ki, nazirlər regionda dəyişən vəziyyəti müzakirə ediblər və artan gərginliklə bağlı ciddi narahatlıqlarını bildiriblər.
M.İ.Dar gərginliyin azaldılmasının təcili zəruriliyini vurğulayıb. O, problemlərin həlli, eləcə də regionda sülh və sabitliyin təşviqi üçün yeganə effektiv vasitənin konstruktiv dialoq və diplomatiya olduğunu qeyd edib.
