Haaland “PSJ”nin Hakimi və Mendesi barədə danışdı

“Mançester Siti”nin hücumçusu Erlinq Haaland Çempionlar Liqasının ümumi mərhələsində “PSJ” ilə qarşılaşma ərəfəsində rəqib komandanın heyəti barədə fikirlərini bölüşüb. O, Paris klubunun cinah müdafiəçiləri Nuno Mendeş və Əşrəf Hakiminin oyununu xüsusi qeyd edib.

“Onların fantastik futbolçuları var və çox yüksək səviyyədə oynayırlar. Bütün komanda özünəməxsusdur, amma daim hərəkətdə olan cinah müdafiəçilərini izləmək valehedicidir. Mendeş və Hakiminin oyununa baxmaq məni heyran edir, bunu necə izah edəcəyimi bilmirəm. Yaxşı hazırlaşmalıyıq, çünki bu, həqiqətən xüsusi komandadır”, – Haalandın sözlərini Eurosport.fr yayıb.

“Mançester Siti” oktyabrın 14-də ümumi mərhələnin ikinci turunda “PSJ”ni qəbul edəcək. Mançesterdə keçiriləcək qarşılaşma Bakı vaxtı ilə saat 23:00-da başlayacaq.