OMM Redaksiyası
Dövlət Gömrük Komitəsinin Astara Gömrük İdarəsinin əməkdaşlarının həyata keçirdiyi tədbirlər nəticəsində növbəti dəfə xüsusilə külli miqdarda narkotik vasitə aşkar edilərək qanunsuz dövriyyədən çıxarılıb.
“Operativ Məlumat Mərkəzi-OMM” komitəyə istinadən xəbər verir ki, "Astara" gömrük postunda "kələm" yükü aparan nəqliyyat vasitəsinə stasionar rentgen qurğusu və kinoloji xidmət itinin tətbiqi ilə əsaslı gömrük yoxlaması həyata keçirilib.
Yoxlama zamanı nəqliyyat vasitəsindən kələm formasına salınaraq gömrük nəzarətindən gizlədilən narkotik vasitələr tapılıb.
Qablaşdırılmaları ilə birlikdə ümumi təmiz çəkisi 43 kiloqram 565 qram olan həşiş və ümumi təmiz çəkisi 58 kiloqram 955 qram olan həşiş qətranı aşkar edilib.
Faktla bağlı araşdırma aparılır.
