Fransanın xarici işlər naziri Jan-Noel Barro bildirib ki, İsrail və ABŞ-nin İrana qarşı “birtərəfli” hücumları əvvəlcədən Birləşmiş Millətlər Təşkilatı kimi kollektiv qurumlarda müzakirə olunmalı idi.
“Operativ Məlumat Mərkəzi-OMM” xəbər verir ki, bu barədə "France 24" məlumat yayıb.
Barro jurnalistlərə deyib: “Yalnız BMT Təhlükəsizlik Şurasına müraciət güc tətbiqinə lazımi legitimlik verə bilər”.
O əlavə edib ki, hazırda fransızlar arasında itki və ya yaralanma barədə məlumat yoxdur.
Fransa xarici işlər naziri həmçinin Livanı regional eskalasiyadan çəkinməyə çağırıb: “Fransa Livan dövlətinin suverenliyini və təhlükəsizliyini dəstəkləməyə davam edəcək və biz regiondakı silahlı qüvvələri müzakirə etmək üçün onlarla birlikdə konfrans təşkil edəcəyik”, – deyə o bildirib.
