Fransanın Azərbaycandakı səfirliyi Xocalıda baş verən faciəvi hadisələrin ildönümü ilə əlaqədar Azərbaycan xalqına başsağlığı verib.
"Operativ Məlumat Mərkəzi-OMM" xəbər verir ki, bu barədə diplomatik nümayəndəlik “X” sosial şəbəkəsindəki səhifəsində paylaşım edib.
“Bu gün Xocalı faciəsini yad edən bütün Azərbaycan xalqının kədərinə şərikik”, - paylaşımda qeyd edilib.
Diplomatik nümayəndəlik vurğulayıb ki, belə vəhşiliklərin bir daha təkrarlanmaması üçün regionda sülhün bərqərar olmasına çalışmaq lazımdır.
