Fransa Milli Assambleyası (parlamentin aşağı palatası) Sebastien Lecornu hökumətinə qarşı etimadsızlıq qətnaməsini qəbul etməyib.
"Operativ Məlumat Mərkəzi-OMM" xarici KİV-ə istinadən xəbər verir ki, bu barədə məlumat səsvermənin nəticələrinə əsasən açıqlanıb.
Milli Assambleyanın spikeri Yael Bron-Pivet səsvermədən sonra bildirib:
“Tələb olunan səs çoxluğu əldə olunmadı və qətnamə rədd edildi”.
Məlumata görə, Nazirlər Kabinetinin istefası üçün 271 deputat lehinə səs verib, lakin etimadsızlıq səsverməsinin qəbul edilməsi üçün 289 səs tələb olunurdu.
Beləliklə, Sebastien Lecornu hökuməti parlamentin etimadını qoruyub və fəaliyyətini davam etdirəcək.
