FİFA 2019-cu ildən 2022-ci ilədək olan müddətdə rekord məbləğdə gəlir əldə edib.
"Operativ Məlumat Mərkəzi - OMM" xarici KİV-ə istinadən xəbər verir ki, bu barədə məlumat ali futbol qurumunun 2022-ci il üçün açıqladığı hesabatda özünü göstərib. FİFA-nın 3 illik qazancı 7,6 milyard ABŞ dolları olub.
Qurumun prezidenti Canni İnfantino deyib ki, bu, güclü maliyyə şəffaflığının nəticəsi və futbolu qloballaşdırmaq üçün göstərilən səylərin sübutudur.
Hesabatda 2023 - 2026-cı illərdə FİFA-nın gəlirinin 11 milyard dollar olacağı proqnozlaşdırılıb.
