Afət Ziyadqızı
2026-cı il FIFA Dünya Çempionatı təkcə nəticələri ilə deyil, yeni futbol ulduzlarının parlaq çıxışı ilə də yadda qalıb.
“Operativ Məlumat Mərkəzi-OMM” xəbər verir ki, turnirdə ilk dəfə çıxış edən və ya Dünya Çempionatında debüt edən bir sıra futbolçular yüksək performansları ilə diqqət mərkəzinə düşüblər.
Onların sırasında İspaniya millisinin yarımfinala yüksəlməsində mühüm rol oynayan Lamin Yamal, Norveç yığmasının heyətində 5 oyunda 7 qol vuran Erlinq Holand, Fransa millisində məhsuldar çıxışı ilə seçilən Maykl Olise, Dezire Due və Bredli Barkola yer alırlar.
Türkiyə millisinin gənc ulduzu Arda Güler də ABŞ ilə oyunda vurduğu qolla Dünya Çempionatında fərqlənən ən gənc türk futbolçu kimi tarixə düşüb.
Bundan başqa, Viktor Gyökeres, João Neves, Aleksandr İsak və Florian Virts də turnirdə nümayiş etdirdikləri oyunla həm azarkeşlərin, həm də aparıcı Avropa klublarının diqqətini cəlb ediblər.
Qeyd edək ki, 2026-cı il Dünya Çempionatı Braziliya millisinin 30 ildən sonra ilk dəfə 1/8 finalda mübarizəni dayandırması kimi gözlənilməz nəticələrlə yanaşı, gələcəyin futbol ulduzlarının beynəlxalq arenada özünü təsdiqlədiyi turnir kimi də yadda qalacaq.
