İstanbulun "Fənərbaxça" klubu bu yay yeni hücumçu transferi üçün 50 milyon avro xərcləməyə hazırdır.
"Operativ Məlumat Mərkəzi-OMM" “Sabah” qəzetinə istinadən xəbər verir ki, Türkiyə təmsilçisinin maraq dairəsində olan futbolçular arasında ukraynalı hücumçu Artyom Dovbik də yer alır.
Fənərbaxça"nın transfer siyahısında Dovbikin olduqca güclü rəqibləri var. Klubun hədəfində olan digər ulduz futbolçular bunlardır:
- Robert Levandovski
- Seru Girassi
- Darvin Nunyes
- Kristofer Nkunku
Ukraynalı forvardın transfer ehtimalı onun zədəsini nə dərəcədə tez sağaldacağından asılıdır. Futbolçunun mövsümün sonuna qədər tam bərpa olunaraq yaşıl meydanlara qayıtması gözlənilir.
Qeyd edək ki, İtaliyanın "Roma" klubu Dovbiki əsas planlarına daxil etmir və zədə problemi olmasaydı, onun qış transfer pəncərəsində satılması ehtimalı yüksək idi.
