Türkiyənin xarici işlər naziri Hakan Fidan Türkiyənin "Eurofighter Typhoon" qırıcılarının alınmasına dair istehsalçı ölkələrin konsorsiumu ilə apardığı danışıqlarda irəliləyiş əldə edib.
"Operativ Məlumat Mərkəzi-OMM" xəbər verir ki, o bu barədə "Türkiye" qəzetinə deyib.
“Eurofighter” qırıcılarının alınmasında irəliləyiş əldə olunub, təyyarə ilə bağlı texniki danışıqların başlaması belə şərh oluna bilər”, - deyə o bildirib.
Türkiyə Müdafiə Nazirliyi bundan əvvəl məlumat vermişdi ki, Böyük Britaniya və konsorsium ölkələrinin nümayəndələri ilə danışıqlar davam edir və yaxın vaxtlarda müsbət nəticələr gözləmək olar.
