Ermənistan xarici işlər nazirinin müavini Vahan Kostanyan bildirib ki, İrəvan və Bakı arasında hələ də sülh sazişinin mətni ilə bağlı müəyyən fikir ayrılıqları var, lakin sənəd üzərində iş davam edir.

"Operativ Məlumat Mərkəzi-OMM" xəbər verir ki, onun sözlərini "24News" sitat gətirib.

“Ermənistan tərəfində münasibətlərin və sülhün bərqərar olmasına dair sazişin imzalanması və həyata keçirilməsinə hazırlıq gedir. Daha əvvəl dediyimiz kimi, Azərbaycanın mövqeyi ilə bağlı hələ də bəzi fikir ayrılıqları var”, - deyə Kostanyan bildirib.

O, tərəflərin "vahid mətnə nail ola biləcəklərinə" ümid etdiyini bildirib.

Ermənistan xarici işlər nazirinin müavini vurğulayıb ki, hər görüşdə tərəflər öz mövqelərini bir-birinə yaxınlaşdırmağa çalışırlar.

Ermənistanın İstintaq Komitəsi hərbçi Armen Qasparyanın ölümü ilə bağlı cinayət işi açılıb.

"Operativ Məlumat Mərkəzi-OMM"-in Ermənistan mediasına istinadən verdiyi xəbərə əsasən, cinayət işi qəsdən adamöldürmə maddəsi üzrə aparılır.

Məlumata görə, bir sıra ekspertizalar təyin edilib.

Qeyd edək ki, Ermənistanın Müdafiə Nazirliyi bəlli olmayan şəraitdə güllə yarasından həlak olan Armen Qasparyanın mayın 14 səhər 08:20-də meyitinin tapılması barədə məlumat yaymışdı.

Səhər saatlarında Ermənistanın müxtəlif şəhərlərində kütləvi həbs dalğası başlayıb.

"Operativ Məlumat Mərkəzi-OMM" “Sputnik Armeniya”ya istinadən xəbər verir ki, bu barədə vəkil Ruben Melikyan məlumat verib.

Onun sözlərinə görə, təhlükəsizlik qüvvələri Martuni, Qavar, Vanadzor, Ucan və İrəvanda etiraz hərəkatının tərəfdarlarını saxlayırlar.

Ötən gün “Daşnaksütyun”un Vayk və Yeqnadzordakı ofislərində axtarışlar aparılıb və bu partiyanın üzvləri saxlanılıb. Amma saxlanılanların dəqiq sayı hələ ki dəqiq məlum deyil.

Ermənistanın baş naziri Nikol Paşinyanın istefası tələbi ilə bağlı keçirilən etiraz aksiyalarının iştirakçılarının çadır düşərgəsi yığışdırılıb, İrəvanda Marşal Baqramyan prospekti boyu nəqliyyatın hərəkəti bərpa edilib.

"Operativ Məlumat Mərkəzi-OMM" bu barədə Rusiya KİV-ə istinadən xəbər verir.

Onlar “Vətən uğrunda Tavuş” hərəkatının lideri Baqrat Qalstanyanın düşərgənin başqa yerə köçürülməsi ilə bağlı bəyanatından sonra gecə saatlarında çadır düşərgəsini yığışdırmağa başlayıblar.

Ötən gün B.Qalstanyan etirazçıların iyunun 17-də yenidən parlament binası yaxınlığında toplaşacağını bildirib. Bu tarixdə müxalifət fraksiyalarının tələbi ilə hökumətin istefası ilə bağlı parlamentin növbədənkənar iclası keçiriləcək.

Ermənistanın Kollektiv Təhlükəsizlik Müqaviləsi Təşkilatından (KTMT) çıxması respublikanın bu strukturun işində iştirakını dondurduqdan sonra növbəti addım olardı.

"Operativ Məlumat Mərkəzi-OMM" xəbər verir ki, bunu baş nazir Nikol Paşinyan parlamentdəki çıxışında deyib.

"Növbəti məntiqi addım Ermənistanın KTMT-dən çıxması olacaq", - hökumət başçısı bildirib.

Eyni zamanda, o, bu qərarın nə vaxt veriləcəyinə respublika orqanlarının qərar verməli olduğunu vurğulayıb.

Ölkə bir ay, bir il, hətta üç il ərzində sözügedən quruma üzvlükdən imtina edə bilər.

Ermənistanın baş naziri Nikol Paşinyanın təhlükəsizlik sistemi gücləndirilir.

"Operativ Məlumat Mərkəzi-OMM" xəbər verir ki, bu barədə “Hraparak” məlumat yayıb.

Mənbə bildirib ki, hakimiyyət keşiş Baqratın başçılığı altında keçirilən aksiyaya məhəl qoymasa da, N.Paşinyanın təhlükəsizliyinə yönəlik tədbirləri artırır.

Məlumata görə, hökumət administrasiyası baş nazirin təhlükəsizliyini təmin etmək məqsədi ilə yeni videoyazı sistemi tətbiq edib.

Həmin sistemin qurulması üçün dövlət büdcəsindən 6 milyon dram (təqribən 16 min dollar) maliyyə vəsaiti ayrılıb.